ფოლიკულომეტრია წარმოადგენს ულტრაბგერით (ექოსკოპიურ) კვლევას, რომლის საშუალებითაც ხდება საკვერცხეებში ფოლიკულების ზრდისა და ოვულაციის პროცესის მონიტორინგი. ეს კვლევა განსაკუთრებით მნიშვნელოვანია ქალის ნაყოფიერების შეფასებისა და ორსულობის დაგეგმვისთვის.
კლინიკა ,,ბეტა პლუს’’- ის გუნდი უზრუნველყოფს სანდო და ზუსტ დიაგნოსტიკას, მაქსიმალური ზრუნვით თითოეულ პაციენტზე. ფოლიკულომეტრია ტარდება თანამედროვე აპარატურით და გამოცდილ სპეციალისტთა ზედამხედველობით, რაც საშუალებას გვაძლევს მივიღოთ დეტალური და სანდო ინფორმაცია.
ფოლიკულომეტრიის პროცესში ექიმი აფასებს:
- ფოლიკულების ზრდასა და განვითარებას
- დომინანტი ფოლიკულის ფორმირებას
- ოვულაციის დროსა და მიმდინარეობას
- ენდომეტრიუმის (საშვილოსნოს შიდა გარსის) სისქესა და მდგომარეობას
კვლევა ტარდება მენსტრუალური ციკლის სხვადასხვა დღეებში, რათა ზუსტად განისაზღვროს ოვულაციის პერიოდი და განაყოფიერებისთვის ოპტიმალური დრო.
ფოლიკულომეტრია რეკომენდებულია:
- ორსულობის დაგეგმვისას
- ოვულაციის დარღვევების შემთხვევაში
- ჰორმონალური მკურნალობის მონიტორინგისთვის
- ინ ვიტრო განაყოფიერების (IVF) ან სხვა რეპროდუქციული პროცედურების დაგეგმვისას
ფოლიკულომეტრია არის მარტივი, უსაფრთხო და ინფორმაციული კვლევა, რომელიც მნიშვნელოვან როლს ასრულებს სწორი დიაგნოზის დასმასა და ეფექტური მკურნალობის დაგეგმვაში.